Pommerland


Mien Kind,
kanns du mi säggen,
wor diene Heimat is?

Bün ut Pommerland kaomen.

Mien Kind,
kann ´t bold nich glöwen,
wör dat nich väl tau wiet?

Bün lange unnerwägns wän.

Mien Kind,  
nu sägg mi,
wor dien Vadder is.

Mien Vadder is in ´n Krieg..

Mien Kind,
un sägg mi noch,
wor diene Mudder is.

Ick weit nich, wor sei is.

Mien lüttket Kind,
schulls nu man schlaopen,
is buuten all Nacht worn.
Ick häff Angst in ´n Düstern.

Mien lüttket Kind,
ick deck di warm tau,
un sing di wat vör.

Kenns du dat Lied
van den lüttken Maikäfer
ut Pommerland?


„Maikäfer flieg!
Dein Vater ist im Krieg,
deine Mutter ist in Pommerland.
Pommerland ist abgebrannt.
Maikäfer flieg!“